قتصادی اشاریاں نال قومی معیشت دے استحکام دی عکاسی تھیندی پئی اے، فچ، موڈیز، عالمی بینک اتے بئے عالمی اداریاں پاکستان دی معیشت تے اعتماد کیتے، وفاقی وزیر خزانہ سینیٹر محمد اورنگزیب دی پریس کانفرنس

اسلام آباد۔9 جون(اے پی پی)وفاقی وزیر خزانہ و محصولات سینیٹر محمد اورنگزیب آکھیے جو قومی سلامتی کیتے اقتصادی سلامتی اہمیت رکھدی اے، اقتصادی اشاریاں ??ال قومی معیشت دے استحکام دی عکاسی تھیندی پئی اے۔ 2023 اچ پاکستان اچ جی ڈی پی دی شرح نمو منفی 2 فیصد ہئی جیڑھی 2024 اچ 2.5 فیصد ہئی اتے ایں سال 2.7 فیصد اے۔ اساں ??عاشی استحکام کوں پا??یدار بنیاداں تے اڳوں ودھیندے پئے ہیں، ڈھانچہ جاتی اصلاحات دے پروگرام کوں جاری رکھݨے تاں جو اساں اتار چڑھاؤ دے چکر توں باہر نکل سڳوں، جی ڈی پی دے تناسب نال ٹیکساں دی شرح پنڄ سال دی بلند ترین سطح تے اے۔ قومی اقتصادی سروے 2024-25 دے اجرا ویلھے سیکرٹری خزانہ امداد اللہ بوسال اتے حکومت دی معاشی ٹیم دے اراکین دے کٹھے پریس کانفرنس نال خطاب کریندے وزیر خزانہ آکھیا جو 2023 اچ عالمی اقتصادی نمو دی شرح 3.5 فیصد، 2024 اچ 3.3 فیصد اتے 2025 کیتے 2.8 فیصد دا اندازہ اے۔ ایں سانڳے 2023 اچ پاکستان اچ جی ڈی پی دی شرح نمو منفی 2 فیصد ہئی جیڑھی 2024 اچ 2.5 فیصد ہئی اتے ایں سال 2.7 فیصد اے۔ ایںدے نال قومی معیشت دی بتدریج بحالی دی عکاسی تھیندی پئی اے۔ وزیر خزانہ آکھیا جو عالمی سطح تے 2023 اچ مہانگائی دی شرح 6.8 فیصد، 2024 اچ 5.7 فیصد اتے ایں سال 4.3 فیصد اے۔ پاکستان اچ 2023 وچ مہنگائی دی شرح 29 فیصد، 2024 اچ 23 فیصد اتے ایں سال 4.6 فیصد اے۔ ایں توں اندازہ تھیندے جو مہنگائی تے قابو پاوݨ کیتے اقدامات درست سمت کیتے ڳئن۔ انہاں آکھیا جو گزریے سال پالیسی ریٹ 22 فیصد ہا جیںدے اچ 1100 بیسز پوائنٹس دی بتدریج کمی کیتی ڳئی، جی ڈی پی دے تناسب نال قرضیاں دی شرح 68 فیصد توں گھٹ تھی تے 65 فیصد دی سطح تے آ چکی اے۔ ایویں ہی زرمبادلہ دے ذخائر اچ تقریباً پنڄ ارب ڈالر دا ودھارا تھئے، ایں ویلھے ݙو مہینیاں دی درآمدات کیتے زرمبادلہ دستیاب اے۔ وزیر خزانہ آکھیا جو وزیراعظم شہباز شریف دے پہلے دور اتے ایںدے بعد نگران دور حکومت اچ پاکستان بین الاقوامی مالیاتی فنڈ (آئی ایم ایف) دے نال جیڑھا پروگرام کیتا ہا، ایںدے نال پاکستان دے اعتماد اچ ودھارا تھئے۔ ایں اعتماد دی وجہ نال معاشی استحکام کوں پا??یدار بنیاداں تے اڳوں ودھیا ویندا پئے، ایںدے نال نال ڈھانچہ جاتی اصلاحات پروگرام کوں جاری رکھݨے تاں جو اساں اتار چڑھاؤ دے چکر توں باہر نکل سڳوں۔ وزیر خزانہ آکھیا جو ٹیکس دے شعبے اچ اصلاحات کیتیاں ??یندیاں ??ن، ایں ویلھے جی ڈی پی دے تناسب نال ٹیکساں دی شرح پنڄ سال دی بلند ترین سطح تے اے۔ ٹیکس شعبے اچ اصلاحات سانڳے عوام، پراسیس اتے ٹیکنالوجی بنیادی ستون ہن اتے ایں بنیاد تے اساں اڳوں ودھدے پئے ہیں۔ وزیر خزانہ آکھیا جو توانائی دے شعبے اچ اصلاحات دا عمل جاری اے، ریکوریاں دی شرح شاندار اے، صنعتی شعبے کیتے ٹیرف اچ کمی کیتی ڳئی اے، ڈسکوز دے بورڈ اچ نجی شعبے کوں رلائے، این ٹی ڈی سی کوں ترائے کمپنیاں اچ تبدیل کیتا ڳیا، 1.27 ٹریلین روپے دے گردشی قرضے کیتے بینکاں ??ال ڳالھ مہاڑ جاری اے۔ وزیر خزانہ آکھیا جو سرکاری ملکیتی اداریاں دا خسارہ 800 ارب روپے دے نیڑے اے، کابینہ دی کمیٹی برائے سرکاری ملکیتی ادارے گزریے سال 24 کمپنیاں کوں نجکاری کمیشن دے حوالے کیتا، ایں عمل کوں اڳوں ودھایا ویندا پئے، ایویں پبلک فنانس دے شعبے اچ وی پیشرفت تھیندی پئی اے، پالیسی ریٹ اچ کمی نال قرضیاں دی ادائیگی اچ تقریباً ہک ٹریلین روپے دی بچت کیتی ڳئی، پنشن اصلاحات تے عمل جاری اے، ایں شعبے اچ رساؤ کوں روکیا ڳئے اتے ہݨ اصلاحات کریسوں، وفاقی حکومت دی رائٹ سائزنگ دا عمل وی بتدریج اڳوں ودھدا پئے، اساں 18ویں ترمیم دے تحت صوبیاں کولو ونڄݨ آلیاں ??زارتاں اتے محکماں کوں صوبیاں دے حوالے کرݨے۔ رائٹ سائزنگ کیتے وزارتاں اتے ایس او ایز دے سی ای اوز کوں باقاعدہ دعوت ݙتی ویندی اے اتے انہاں دی گالھ سݨی ویندی اے، اے معاملہ ذیلی کمیٹی کولو ویندے، ذیلی کمیٹی دی سفارشات کوں کابینہ دے سامݨے رکھیا ویندے۔ وزیر خزانہ آکھیا جو بیرونی محاذ تے و?? مثبت پیشرفت تھئی اے، جولائی توں اپریل تئیں دی مدت اچ حسابات جاریہ دے کھاتیاں دا توازن 1.9 ارب ڈالر فاضل رہیا، گزریے سال حسابات جاریہ دے کھاتیاں دا خسارہ 1.3 ارب ڈالر ہا، ملکی برآمدات اچ ست فیصد ودھارا تھئے، 3.1 ارب ڈالر دیاں صرف آئی ٹی دیاں برآمدات کیتیاں ڳئن جیںدے اچ فری لانسر 400 ملین ڈالر دیاں خدمتاں ݙتن، ایںدے برعکس درآمدات اچ 11.7 فیصد ودھارا تھیا، مشینری اتے ٹرانسپورٹ دیاں درآمدات اچ نمایاں ??دھارا تھئے جیڑھا صنعتی اتے زرعی شعبے کیتے اہم اے، ترسیلات زر اچ 31 فیصد ودھارا تھئے، ترسیلات زر اچ روشن ڈیجیٹل اکاؤنٹس اتے سمندر پا?? پاکستانیاں دا کردار اہمیت دا حامل اے، روشن ڈیجیٹل اکاؤنٹس دے ذریعے 10 ارب ڈالر توں ودھ دیاں ترسیلات زر ریکارڈ کیتیاں ڳئن، ایں ویلھے روشن ڈیجیٹل اکاؤنٹس دے ذریعے 14 لکھ توں ودھ اکاؤنٹس بݨائے ڳئن۔ وزیر خزانہ آکھیا جو مالی نظم و ضبط اساڈی اولین ترجیح اے، محصولاں اچ 26 فیصد ودھارا تھئے، گزریے سال محصولاں اچ 30 فیصد ودھارا تھیا ہا، ٹیکس دی بنیاد اچ وسعت آئی اے، 3.7 ملین انفرادی فائلرز ہن، ہائی ویلیو فائلرز اچ 170 فیصد ودھارا تھئے، ریٹیل دے شعبے اچ 492 ہزار دا نمایاں ??دھارا تھیا، ریٹیل رجسٹریشن اچ ودھارے دی شرح 74 فیصد دے نیڑے اے۔ وزیر خزانہ آکھیا جو قرضیاں اتے انہاں دی ادائیگی دے شعبے کوں منظم کیتا ویندا پئے، حکومت اپݨیاں شرطاں تے قرضہ گھنݨ کوں ترجیح ݙیندی پئی اے، حکومت دی کوشش اے جو قرضیاں اچ نجی شعبے کوں ترجیح ݙتی ونڄے، اسلامی سکوک اچ 26 فیصد ودھارا تھئے، اساں ڈیٹ مینجمنٹ آفس کوں عالمی معیار دے مطابق بݨیندے پئے ہیں، صنعتی ترقی دی شرح 4.8 فیصد رہی، وݙیاں صنعتاں دی پیداوار اچ ودھارا تھئے، زراعت اچ نمو دی شرح 0.6 فیصد اے، لائیو سٹاک 4.7 فیصد اتے پولٹری اچ 8.1 فیصد دی شرح نال نمو تھئی، آئی ٹی 6.5 فیصد، تعمیرات 3.8 فیصد، فوڈ سروسز 4.1 فیصد اتے خدمتاں دے شعبے اچ 2.9 فیصد دا ودھارا تھیا، ٹیکسٹائل ویئرنگ اپیرل اتے فشریز و فاریسٹری اچ وی ودھارا تھئے۔ وزیر خزانہ آکھیا جو اہم فصلاں دی پیداوار اچ 13.5 فیصد دی کمی نال زراعت دی ترقی دی رفتار متاثر تھئی، ضروری اے جو نجی شعبہ سیڈ ٹیکنالوجی میکنائزیشن اتے سٹوریج اچ اڳو تے آوے، پنجاب اچ نجی شعبے کم شروع کر ݙتے اتے حکومت ساری معاونت فراہم کریسی۔ وزیر خزانہ آکھیا جو زراعت دے شعبے کوں قرضیاں دی فراہمی اچ 16 فیصد ودھارا تھئے، زرعی شعبے کوں فراہم کردہ قرضیاں دا حجم 2 ٹریلین روپے دے نیڑے پڄ ڳیا اے۔ انہاں آکھیا جو فچ، موڈیز، عالمی بینک اتے ٻئے بین الاقوامی اداریاں ??اکستان اتے پاکستان دی معیشت تے اعتماد ݙکھائے، بین الاقوامی مالیاتی فنڈ ولوں حالیہ قسط کئی چیلنجاں دے بعد ملی اے، اساݙیاں افواج بھارتی جارحیت دے خلاف جیڑھا لوہا منوائے ایںدے نال نال معاشی محاذ تے و?? ہک جنگ جاری ہئی، آئی ایم ایف دے بھارت دے ایگزیکٹو ڈائریکٹرز ٻہوں کوشش کیتی جو میٹنگ نہ تھیوے اتے ڄیکر ہووے و?? سہی تاں ایندے اچ پاکستان کیتے قسط دا اجرا ایجنڈے اچ شامل نہ ہووے ٻھل پاکستان دے ݙو طرفہ اتے کثیر الجہتی شراکت داراں ساڈے نال تعاون کیتے، ڄیکر اگر درست سمت اچ نہ ہوندے تاں اے ہک اوکھی ڳالھ ہئی، قومی سلامتی کیتے اقتصادی سلامتی اہمیت دی حامل اے، اوورسیز چیمبرز، پی ڈبلیو سی اتے آئی ایف ایس او ایس دے حالیہ سرویز اچ پاکستان دی معیشت اتے کاروباری اعتماد اچ ودھارے دی عکاسی تھیندی پئی اے۔ وزیر خزانہ آکھیا جو ایس آئی ایف سی جنہاں شعبیاں کوں ترجیح ݙتی اے ایںدے اچ پیشرفت حقیقی گیم چینجر اے۔ انہاں آکھیا جو کوپ۔29 اچ پاکستان قومی موسمیاتی حکمت عملی پیش کیتی، گرین سکوک توں پاکستان کوں 30 ارب روپے ملین، موسمیاتی فنانسنگ کیتے فنڈنگ کوں آپریشنلائز کرݨ اساڈی ترجیح اے۔ صحافیاں دے سوالاں دے جواب ݙیندے ہوئیں وزیر خزانہ آکھیا جو کلی معیشت دا استحکام پا??یدار بحالی و نمو دی بنیاد اے، پالیسی ریٹ اچ بتدریج کمی ڳھن آئی ڳئی اے، عالمی بینک خط غربت دے حوالے نال جیڑھا نواں بینچ مارک اتے تھریش ہولڈ رکھیے ایںدی بنیاداں کوں ݙیکھݨا ضروری ہوسی۔ وزیر خزانہ آکھیا جو معاشی طور تے کمزور طبقیاں کوں ریلیف فراہم کرݨ آندے مالی سال دے بجٹ اچ حکومت دی اولین ترجیحات ہین، حکومت دا کم پالیسی اتے ایکو سسٹم ݙیوݨ اے?? کروڑاں ??وکریاں ݙیوݨ دے نعریاں دے حق اچ کائنی ٻھل ایندے کیتے نجی شعبے کوں کلید?? کردار ادا کرݨا پوسی، پاکستان دے فری لانسرز ایں سال 400 ملین ڈالر کمائن، ساکوں اینجھے نوجواناں اتے ہنرمنداں دی حوصلہ افزائ?? کرݨی ہوسی، ہک پاکستانی نژاد امریکی لمز اچ 15 ملین ڈالر دی لاگت نال بلاک چین دی تربیت شروع کیتی اے۔ انہاں آکھیا جو گھٹ توں گھٹ معاوضے کوں یقینی بݨاوݨ کیتے اقدامات کریندے پیوں۔ وزیر خزانہ آکھیا جو ڈھانچہ جاتی اصلاحات نال اساں پا??یدار نمو دے رستے تے گامزن ہیں اتے ایکوں کہیں وی صورت اچ نی چھوڑ سڳدے، پاکستان کوں موسمیاتی فنانسنگ مل چکی اے اتے ہݨ ایں کیتے منصوبہ بند?? کرݨی ہوسی۔ ساریاں ??زارتاں دے نال رل تے ایں حوالے نال کم کریندے پئے ہیں، عالمی بینک دے نال کنٹری پا??ٹنرشپ پروگرام دے تحت پاکستان کوں 10 سالاں اچ 20 ارب ڈالر ملسی، ایںدے اچ ہک ترہائی فنڈز موسمیاتی تبدیلیاں بارے منصوبیاں کیتے ہین۔ وزیر خزانہ آکھیا جو این ایف سی دے تحت صوبیاں کوں 4.2 ٹریلین روپے اتے وفاق کوں 3 ٹریلین روپے ملدن، وفاقی حکومت کوں سالانہ ترقیاتی پروگرام تزویراتی منصوبیاں کیتے ہوسی، صوبیاں کوں سماجی تحفظ دے پروگراماں کیتے زیادہ فنڈز مختص کرݨے چاہیدن۔ وزیر خزانہ آکھیا جو بجٹ دی تیاری اچ ݙو طرفہ اتے کثیر الجہتی شراکت داراں ??ال مشاورت تھئی، اساں اپݨے ہوم گراؤنڈ اقتصادی ایجنڈا کوں ترجیح ݙیوݨی اے، ایں ایجنڈے تے اساکوں سارے شراکت داراں دا اعتماد حاصل اے۔ انہاں آکھیا جو حکومت جی ڈی پی دے تناسب نال ٹیکساں دی شرح کوں 14 فیصد دی سطح تے گھن آوݨ دا ہدف مقرر کیتے، بھارت اچ اے شرح 18 فیصد اے۔ سیکرٹری خزانہ امداد اللہ بوسال ایں موقع تے آکھیا جو بین الاقوامی مالیاتی فنڈ دے پروگرام دے تحت مالی استحکام حاصل کرݨ ضروری اے، اساڈی کوشش اے جو سرکاری اخراجات گھٹ اتے محصول زیادہ ہوون، ماضی اچ مالی خسارہ 6 توں 8 فیصد ہا جیںدے اچ بتدریج کمی آندی پئی اے، محصولاں اچ ودھارے نال پی ایس ڈی پی کیتے زیادہ فنڈز دستیاب ہوسن۔ انہاں آکھیا جو حکومتی اخراجات اچ کمی آئی اے جیںدے اچ پالیسی ریٹ اچ کمی اتے وزیراعظم ولوں کفایت شعاری کیتے اقدامات نال فرق پئے۔